ԳԷՈՐԳ ՍՏԱՄԲՈԼՑԵԱՆ
«Ռուսաստանը հազարաւոր հեռանկար ունեցող երիտասարդ մասնագէտների է կորցնում, որոնց մի զգալի մասը գալիս է Հայաստան», գրում է ամերիկեան հեղինակաւոր The New York Times պարբերականը Հայաստան տեղափոխուած ռուսաստանցիների մասին օրերս հրապարակած ծաւալուն յօդուածում:
Երեւան ժամանած թերթի թղթակից Ջէյն Արաֆը զրուցել է ինչպէս Հայաստան տեղափոխուած ռուսաստանցիների, այնպէս էլ կառավարութեան ներկայացուցիչների հետ` փորձելով հասկանալ, թէ ինչպէս է ազդում մարդկային այս անսպասելի ներհոսքը Հայաստանի վրայ:
«Ռուս-ուկրաինական պատերազմից առաջ, ըստ պաշտօնական տուեալների, Հայաստանում ընդամէնը 3ից 4 հազար գրանցուած ռուսաստանցի աշխատող կար: Ռուսական ներխուժմանը յաջորդած երկու շաբաթների ընթացքում, սակայն, առնուազն նոյնքան մարդ էր ժամանում ամէն օր: Հազարաւոր ռուսաստանցիներ Հայաստանից ուղեւորուել են այլ երկրներ: Նախորդ շաբաթ Հայաստանի կառավարութեան ներկայացուցիչների տրամադրած տուեալների համաձայն այդուհանդերձ, 20 հազար ռուսաստանցի մնացել է Հայաստանում», գրում է ամերիկեան պարբերականը:
The New York Times-ի թղթակիցը զրուցել է Հայաստան ժամանած մի քանի տասնեակ ռուսաստանցիների հետ, որոնց մի մասը, ըստ թղթակցի, վախենում է հրապարակել ամբողջական անունը կամ աշխատանքի վայրը:
Նրանցից է, օրինակ, 29ամեայ Պոլինա Լոսեւան, ով ասել է, թէ աշխատում է տեղեկատուական ոլորտի ռուսական ընկերութիւններից մէկում, որի անուանումը հրապարակել չի ցանկացել:
«Ես երբեք չէի կարող պատկերացնել, որ նման պատերազմ կարող է բռնկուել: Երբ այն սկսուեց, ես հասկացայ, որ աւելի անվտանգ կը լինի լքել երկիրը», ասել է ռուսաստանցի կինը:
The New York Times-ի թղթակիցը նաեւ նկատում է, որ ռուսաստանցիների մի մասը Երեւան է տեղափոխւում սեփական նախաձեռնութեամբ, ոմանց Հայաստան են տեղափոխում տեղեկատուական արհեստագիտութեան ոլորտի արեւմտեան, այդ թւում` ամերիկեան ընկերութիւնները:
«Հայաստան ժամանող ռուսաստանցիներին միաւորում է նաեւ այն հանգամանքը, որ նրանք կարող են աշխարհի ցանկացած կէտից հեռավար աշխատել», գրում է Արաֆ:
Հայաստանի տնտեսութեան նախարար Վահան Քերոբեանի խօսքով էլ` Հայաստան ժամանած ռուսաստանցիների մեծամասնութիւնն աշխատում է տնտեսութեան այն ճիւղերում, որոնց համար առանցքային նշանակութիւն ունեն համացանցի անխափան հասանելիութիւնն ու միջազգային դրամատնային կապերը: Հայաստան ժամանած ռուսաստանցի մասնագէտներից ոմանք, ինչպէս, օրինակ, The New York Times-ի հրապարակման հերոսներից Բուլատ Մուստաֆինն ու Վիկտորիա Պոյմենովան, մտադիր են հաստատուել Վրաստանում:
«Տասնեակ հազարաւոր ռուսաստանցիներ արդէն իսկ տեղափոխուել են Վրաստան եւ Թուրքիա: Ամենամեղմ ընդունելութիւնը, սակայն, Հայաստանում է: Նախկին խորհրդային այս հանրապետութիւնը ռուս-ուկրաինական հակամարտութիւնում չէզոք դիրք է գրաւել: Ի տարբերութիւն Վրաստանի` Հայաստանում հարցուած ռուսաստանցիներից եւ ոչ մէկը չասաց, թէ այստեղ թշնամական վերաբերմունքի է բախուել», գրում է The New York Times-ի յօդուածագիրը:
«ԱԶԱՏՈՒԹԻՒՆ»
Russian INFLUX if individual and permanent, is suspect, if projected
Very Dangerous, could be permanent and if grows, will be considered
Russian, one day, like Ukraine 2 provinces. Parliament 95% bolshevik
supporters, will stay SILENT, a slave, has no right to OBJECT plus
VASSAL P.M. *ONLY COUNTER SOLUTION* : DEPLOY EQUAL NUMBER
ARZAKH PROTECTING FORCES; during 44 days war, WITHOUT
CONSULTING 2 MINSK GROUP MEMBERS, ILLEGALLY LAST MINUTE
“HELPING” FORCES OCCUPIED 30%, NON OCCUPIED SECTION. IF
BOLSHEVIK RUSSIA WANTED TO SAVE COULD DO IMMEDIATELY,
PROVING ENGINEERING PLOT-INVASION, TO RETREAT IN CASE OF
EMERGENCY (UKRAINE WAR), DELIVER ALL TO AZERBAIJAN.
WITHOUT DELAY SIMILAR QUANTITY FRENCH AND USA FORCES
MUST BE DEPLOYED, AS EQUAL BUT NOT CONSULTED MEMBERS,
OTHERWISE ALL ARZAKH BECOMES AZERBAIJAN.. SOON AFTER
WITH 2 SIDED INVASION WILL FINISH “VANISHING ARMENIA GAME”
PROJECTED MINIMUM 101 YEARS BACK BY LENIN “SACRIFICING
ARMENIA”, DECLARED PUBLICLY. STILL BLIND FOOLS BELIEVE :
“RUSSIA WILL SAVE US IN CASE OF ATTACK” , EVERY DAY THERE IS
ATTACK AND OCCUPATION; DID YOU SEE ANY FIRM PROTECTION
LATELY??!!