ԿԼԵՆՏԷՅԼ.- Հոկտեմբեր 2011էն Սեպտեմբեր 2012 ժամանակաշրջանին, Միացեալ հայկական ֆոնտը 21 միլիոն տոլար արժողութեամբ մարդասիրական օգնութիւն ուղարկեց Հայաստան եւ Արցախ։
Միացեալ հայկական ֆոնտը իր կողմէ տրամադրեց 13 միլիոն արժողութեամբ դեղորայք եւ բժշկական պիտոյքներ, որոնք նուիրուած էին զանազան բարեգործական կազմակերպութիւններու կողմէ, ներառեալ՝ «AmeriCares»ը (5 միլիոն տոլար), «Direct Relief International»ը (2.8 միլիոն), Կաթողիկէ բժշկական առաքելութեան վարչութիւնը (2.2 միլիոն), «MAP International»ը (1.6 միլիոն), «Feed the Children» հիմնադրամը (873,000), Գանատայէն «Health Partners International» (475,000) եւ «Operation USA»ը (43,000):
Հետեւեալ կազմակերպութիւններն ու անհատները եւս մեծարժէք ապրանքներ նուիրեցին այս ժամանակաշրջանին՝ Միացեալ Նահանգներու «World Vision»ը (1.1 միլիոն տոլար), Նիւ Ճըրզիի «Fair Lawn»էն Յարութ Շանթիկեան (816,000), «Project Hope» (585,000), Ֆրանսայի Սուրբ Ղազար միաբանութիւնը (508,000), «Գառնի» հիմնարկը (491,000), «Փարոս» բարեգործական հիմնարկը (405,000), Ֆրանսայէն Ժիւլիէթ Սրապեան (279,000), Հայաստանի ակնաբուժական ծրագիրը (269,000), Գանատայի «World Vision»ը (245,000), Բրիտանիոյ Հայ աւետարանական խորհուրդը (235,000), Իլինոյէն բժ. Սթիվըն Քաշեան (230,000), Նիւ Ճըրզիի Ս. Վարդանանց Հայց. առաքելական եկեղեցին (206,000), «Sacred Heart» բժշկական կեդրոնը (200,000), «Project Agape» (192,000), Արեւելեան Միացեալ Նահանգներու Հայաստան համահայկական հիմնադրամը (192,000), «Focus on Children Now»ը (187,000), Գանատահայ բժշկական միութեան Օնթարիոյ մասնաճիւղը (170,000), Պելճիքայէն Հայաստանի երիկամային ընկերակցութիւնը (164,000), Հայկական օգնութեան ֆոնտը (162,000), Բժշկական օգնութիւն հայերուն կազմակերպութիւնը (153,000), Գանատայէն Գաբրիէլ Խենպերճի (150,000), Բրիտանիայէն «Birthlink»ը (145,000), Ֆրանսայէն Աշոտ Շմաւոնեան եւ Հայ հայրենակիցներու օժանդակութեան ընկերակցութիւնը (137,000), Աւստրալիոյ Հայ քրիստոնէական առաքելութիւնը (132,000), Ֆրանսայի «Action Sante Armenie» կազմակերպութեան Մարսէյի մասնաճիւղը (120,000), Ամերիկայի Հայ աւետարանչական ընկերակցութիւնը (109,000), Ֆրանսայէն «Լայնզ»ի «Draguignan St. Hermentaire» ակումբը (108,000) եւ Հայ օգնութեան միութեան Արեւելեան Միացեալ Նահանգներու շրջանը (101,000):
Մեծ քանակութեամբ պիտոյքներ նուիրեցին նաեւ հետեւեալ անհատներն ու կազմակերպութիւնները՝ Հոլանտայէն Ալվան Ծառիկ (70,000 տոլար), Մարդասիրական օժանդակութիւն հիմնարկը (70,000), Հայ որբերու օգնութեան միութիւնը (70,000), Փասատինայէն «Արա» ծրագիրը (66,000), «Ամարաս» արուեստի միութիւնը (49,000), Հաուըրտ Գարակէօզեանի անուան յիշատակի ընկերութիւնը (49,000), Միացեալ Նահանգներու Արեւելեան թեմի Ազգ. առաջնորդարանը (47,000), Զուիցերիայէն «Սեմրա» հիմնարկը (46,000), «Սան Ֆրանսիսքոյի շրջանի Հայաստանի բարեկամներ»ը (39,000), բժ. Ֆրիդա Ճորդան՝ Ոսկրածուծի նուիրատուներու հայկական միութիւն (38,000), Հայ միջազգային ակնաբանական ընկերակցութիւն (35,000), Կլենտէյլէն բժ. Սամուէլ Մալայեան (30,000), Ֆրեզնոյի համալսարանի Հայագիտական ամպիոնը (28,000), Փորթլընտէն բժ. Յակոբ Յովակիմեան (25,000) եւ Միշիկընէն Հերման Հինթիրեան (21,000)։
1989էն ի վեր, Միացեալ հայկական ֆոնտը 158 թռիչքներով եւ 2028 ծովային արկղներով 3653 միլիոն տոլար արժողութեամբ մարդասիրական նպաստ ուղարկած է Հայաստան եւ Արցախ։
Միացեալ հայկական ֆոնտը համատեղ աշխատանքն է Ամերիկայի Հայ աւետարանչական ընկերակցութեան, Հայ օգնութեան միութեան, Հայց. առաքելական եկեղեցւոյ Ամերիկայի առաջնորդարանին, Հայց. եկեղեցւոյ Հիւսիսային Ամերիկայի առաջնորդարանին, եւ Հայկական Բարեգործական Ընդհանուր Միութեան։
Յաւելեալ տեղեկութեանց համար դիմել (818) 241-8900 թիւին։
